Pamje nga e gjithë ajo çfarë ndodhi sot në Veri

Policia e Kosovës ndërmori një aksion në pjesën veriore të Mitrovicës kundër krimit të organizuar, rreth orës 6 të mëngjesit.


Policia hasi në probleme gjatë bastisjes në Zubin Potok, me ç’rast mbetën të plagosur katër zyrtarë policorë, por të gjithë janë jashtë rrezikut për jetën.

Në aksionin e sotëm të përqendruar kryesisht në veri të Mitrovicës janë arrestuar 19 punonjës të policisë, 11 prej tyre të nacionalitetit serb, 4 shqiptarë dhe 4 boshnjakë.

Nga të arrestuarit 1 ka qenë me gradën e kapitenit, 3 me gradën e rreshterit dhe të tjerët zyrtarë policor.

Pos policëve në këtë operacion në pranga përfunduan edhe disa qytetarë.

Policia ka arrestuar edhe një zyrtar ndërkombëtar të UNMIK-ut, i cili është shtetas rus dhe një zyrtar tjetër lokal, çka UNMIK-u ka konfirmuar lirimin e tij.

Po ashtu janë konfiskuar edhe gjëra të ndryshme ilegale që do të shërbejnë si prova materiale si armë, pajisje teknologjike dhe sasi parash.

Serbët lokal të revoltuar me aksionin e policisë vendosën barrikada në rrugë, por që policia reagoi dhe i hoqi ato.

Në videon e mëposhtme mund të shihni gjithë atë çfarë ndodhi në Veri.

Këta janë emrat e të gjithë të arrestuarve sot në Veri