Zëvendëskryeministri në detyrë, Haki Abazi, përmes një postimi në Facebook, ka thënë se rrëzimi i qeverisë Kurti dhe mosrespektimi i Vjosa Osmanit si më e votuara në LDK në zgjedhjet e fundit, është përmbysje e rendit demokratik dhe shkelje e kushtetutës së Republikës Parlamentare.

Sipas Abazit, Presidenti i vendit, Hashim Thaçi nuk mundet të negociojë me lirinë e tij dhe me fatin e shtetit.

“Presidenti nuk mund të veprojë si mbret, ai edhe ashtu ka mungesë serioze të përfaqësimit të unitetit. Veprimet e tij janë antikushtetutese dhe jashtë interesit qytetarë e shtetëror. Nuk mundet Thaçi të negociojë lirinë e tij me fatin e shtetit. Jemi shumë,jemi bashkë, jemi në të drejtë dhe jemi të pathyeshëm në mbrojtjen e demokracisë, pavarësisë, territorit dhe kushtetutës së vendit”, shkruan Abazi.