Komuna e Prishtinës u ka bërë thirrje qytetarëve që të kenë kujdes, pasi që Instituti Hidrometeorologjik i Kosovës, ka njoftuar se sot pasdite dhe të martën gjatë gjithë ditës, priten reshje të shiut me inntesitet të lartë, erëra të forta e shkarkimë rrufesh.

Përmes një postimi në Facebook, thuhet se ekipet e emergjencave dhe zjarrëfikësit, janë në terren për të siguruar ndihmë të menjëhershme në rast nevoje, raporton gazeta online Reporteri.net.

“Duke pasur parasysh këto kushte, Kryeqyteti ju bën thirrje të nderuar qytetarë që të tregoni kujdes të shtuar: shmangni lëvizjet e panevojshme gjatë periudhave me mot të keq, siguroni objektet e brishta apo të rrezikshme në oborret dhe ballkonet tuaja, respektoni udhëzimet e autoriteteve për sigurinë dhe shëndetin tuaj”, thuhet në postimin e tyre të plotë.

/Reporteri.net/.