Gazetari, Kushtrim Sadiku, ka konfirmuar largimin e tij nga televizioni Klan Kosova.

Sadiku ishte që në fillimet e lindjes së këtij mediumi, si drejtues i një sërë emisionesh të rëndësishme nga sfera e politikës.

Për largimin e Sadikut nga ky televizion ditë më parë ka raportuar Gazeta Online “Reporteri.net”. 

Ai në shkrimin e tij të lamtumirës ka falënderuar të gjithë kolegët për kohën që kanë ndarë bashkë, gjatë këtyre 11 viteve punë në këtë medium.

“Ishte e bukur për aq sa zgjati”, ka shkruar Sadiku në Facebook.