Zëvendëskryeministrja e Kosovës, Albulena Balaj-Halimaj e ka liruar nga detyra këshilltaren e saj Hajrije Gashi, vajzën e Kadri Shalës i përfshirë në skandalin e 2 milionë eurove.
“Pas raportimeve në media se prindi i këshilltares sime Hajrie Gashi është i përfshirë në vjedhjen e mbi 2 milion eurove, kam marrë vendim që znj Hajrie Gashi ,me efekt të menjëhershëm, t’a liroj nga detyra e këshilltares. Znj Hajrie që nga fillimi ka qenë ndër këshilltaret e përkushtuara jashtë mase dhe me sukses ka kryer të gjitha detyrat e ngarkuara nga unë! Edhe pse jam e vetëdijshme që askush nuk duhet të mbahet përgjegjës për veprimet e familjarëve të tij, në këtë rast të saj, për shkak që kemi të bëjmë me një krim shumë të rëndë, lirimin e saj nga detyra e shoh si të domosdoshëm”, ka shkruar ajo.
Ajo ka thënë se këtë vendim e ka marrë për të hequr çdo dyshim para qytetarëve se funksioni i lartë i këshilltares do të mund të përdorej për pengim të drejtësisë.
https://www.facebook.com/albulena.balajhalimaj.5/posts/2887588641512834