Sot në ora 12:00 do të vazhdojë seanca konstituive e Kuvendit të Kosovës.

LDK, PDK dhe AAK, kanë konfirmuar pjesëmarrjen, por ende nuk kanë bërë të ditur nëse do të votojnë raportin e verifikimit të kuorumit, shkruan gazeta online Reporteri.net.

Deputetja e zgjedhur e PDK-së, Ariana Musliu- Shoshi, ka bërë të ditur se kjo parti do të marrin qëndrim në mbledhjen e grupit parlamentar të kësaj partie. Ajo tha se në ora 11:00 do të mbajnë mbledhje të grupit parlamentar.

“Ende nuk jem dakorduar, tani e kemi takimin në ora 11 me Grupin Parlamentar dhe do të marrim një vendim”, tha Musliu –Shoshi para mediave.

Seanca konstituive e Kuvendit ka dështuar të martën, pasi raporti i Komisionit të përkohshëm për verifikimin e kuorumit dhe të mandateve nuk mori votat e mjaftueshme të deputetëve.

Kryesuesi i seancës, Avni Dehari, ndërpreu punimet.

Në këtë seancë duhej që deputetët, pas miratimit të raportit, të bënin betimin dhe të zgjidhinin kryetarin dhe nënkryetarët./Reporteri.net/