Partia Demokratike e Kosovës ka thënë se qëndrimi i tyre nuk ka ndryshuar dhe se do të vazhdojnë të mbesin në opozitë.

Këto deklarata i ka bërë nënkryetari i PDK-së, Enver Hoxhaj në një konferencë për media, shkruan Reporteri.

Hoxhaj ka thënë se qëndrimi i PDK-së, mbetet po ai i njëjti i muajve më parë dhe se në strukturuat e partisë nuk është diskutuar përfshirja në Qeverinë Hoti.

“Ne si PDK e kem qëndrimin që e kemi pasur para disa muajsh që ne mbesim në opozitë dhe deri më tani as organet e partisë e as grupi parlamentar i PDK-së nuk kanë diskutuar për përfshirje në qeveri. Pra, PDK-ja mbetet në opozitë”, ka thënë Hoxhaj.