Për dy ditë u vaksinuan afro 8 mijë qytetarë, shkon mbi 39 mijë numri i të vaksinuarve në Kosovë

Lajme

Për dy ditë u vaksinuan afro 8 mijë qytetarë, shkon mbi 39 mijë numri i të vaksinuarve në Kosovë

Reporteri

15 Maj 2021 | 22:31

Ministria e Shëndetësisë (MSH) përmes një njoftimi për media bën të ditur se vaksinimi kundër COVID-19, ka vazhduar sot për qytetarët e moshës mbi 65 vjeçare të regjistruar në e-kosova dhe sipas termineve të caktuara nga MSH.

Siç njofton MSH, gjatë dy ditëve të fundit janë vaksinuar 7.742 qytetarë me vaksinën kundër COVID-19, derisa numri i përgjithshëm i qytetarëve të vaksinuar deri më tani është 39.321.

“Vaksinimi po vazhdon përmes përcaktimit paraprak të termineve për qytetarët, të cilët janë regjistruar dhe kanë aplikuar përmes platformës e-kosova, të cilët kontaktohen dhe ftohen nga Ministria e Shëndetësisë dhe nga QKMF-të në komuna, sipas listave të tyre në dispozicion”, thuhet në njoftim.

Lexo edhe:

44 seanca të dështuara, Haradinaj: Kurti e ka nda mendjen për t’i bërë keq Kosovës

Vdekja e të riut në duart e shtetit, PDK kërkon dorëheqjen e Sveçlës

Sveçla qesh me cinizëm kur pyetet nëse do të japë dorëheqje pas rastit të 27-vjeçarit

Ditëve në vijim, MSh do të krijojë mundësi të tjera shtesë për regjistrim e të gjithë qytetarëve që duhet të vaksinohen deri në arritjen e objektivit të vaksinimit të rreth 60% të popullatës së Kosovës.
Më poshtë video udhëzuesit si të aplikohet për regjistrim në e-kosova dhe sit ë aplikohet për vaksinim kundër COVID-19:

https://ekosova.rks-gov.net/Video/OO6B5z5Vt9Y

https://ekosova.rks-gov.net/Video/Hn2SJJlZppë

Shpërndaje: