Ministri i Mbrojtjes, Armend Mehaj, ka bërë të ditur se për herë të parë, pesë studentë nga Kosova do të ndjekin studimet në Akademinë e Forcave të Armatosura të Shqipërisë.

Mehaj, ka thënë  se bashkëpunimi në fushën e mbrojtjes, Kosovë –Shqipëri, është interes jo vetëm për dy vendet tona, por edhe për sigurinë dhe stabilitetin rajonal dhe më gjerë.

“Me ministrin Peleshi, jemi pajtuar që nivelin e bashkëpunimit ta thellojmë dhe konkretizojmë në veprime konkrete dhe jemi në rrugë të mbarë të realizojmë planin tonë të bashkëpunimit bilateral.
Bashkëpunimi në fushën e mbrojtjes, Kosovë –Shqipëri, është interes jo vetëm për dy vendet tona, por edhe për sigurinë dhe stabilitetin rajonal dhe më gjerë”, shkruan ai.

Postimi i plotë:

Qytetarë të dashur,

Vazhdojmë me lajme të mira!

Në kuadër të realizimit të bashkëpunimit të mbrojtjes me Republikën e Shqipërisë, për herë të parë, pesë studentë nga Kosova do të ndjekin studimet në Akademinë e Forcave të Armatosura të Shqipërisë.
Studentët tanë, së bashku me kolegët e tyre, vëllezër e motra studentë nga Republika e Shqipërisë, do të ndjekin studimet në nivelin e studimeve bachelor, në programin e Shkencave Ushtarake.

Me ministrin Peleshi, jemi pajtuar që nivelin e bashkëpunimit ta thellojmë dhe konkretizojmë në veprime konkrete dhe jemi në rrugë të mbarë të realizojmë planin tonë të bashkëpunimit bilateral.

Bashkëpunimi në fushën e mbrojtjes, Kosovë –Shqipëri, është interes jo vetëm për dy vendet tona, por edhe për sigurinë dhe stabilitetin rajonal dhe më gjerë.