Për herë të parë në historinë e Kuvendit, një grua rome do të jetë deputete. Kësisoj, Hatixhe Gjorgjeviç ka marrë 713 vota, për t’ia siguruar vetës një ulëse në Kuvendin e Kosovës, raporton Gazeta Online “Reporteri”.
Kjo u bë e ditur pas certifikimit të rezultateve nga ana e KQZ-së për zgjedhjet e 14 shkurtit.
Sipas rezultateve përfundimtare, Lëvizja Vetëvendosje si parti e parë ka marrë 438 334 mijë vota apo 49.95 për qind. Sipas kësaj përqindje, Lëvizja Vetëvendosje do të ketë 58 ulëse në Kuvend, shkruan Reporteri.net.