Sot ka përfunduar numërimi i votave me kusht dhe atyre të ardhura me postë në Qendrën për Numërim dhe Rezultate. Ndonëse ende nuk ka ndonjë rezultat zyrtar, Lëvizja Vetëvendosje pretendon t’i ketë marrë 50% të votave në zgjedhjet e 14 shkurtit, shkruan Reporteri.net.

Kreshnik Ahmeti, Sekretar i VV-së për marrëdhënie me jashtë, ka postuar një fotografi në profilin e tij në Facebook ku shkruan Lëvizja Vetëvendosje 50%.

Kujtojmë që në zgjedhjet e 14 shkurtit nga votat e rregullta brenda Kosovës, VV ka marrë 47.7% të votave.

Por, ende nuk dihet se sa për qind të votave do t’i ketë në fund kur të numërohen votat me kusht dhe votat nga diaspora.