Ka vdekur regjisorja Arzana Kraja, vajza e kryetarit të Akademisë së Shkencave të Arteve të Kosovës, Mehmet Kraja.
Në një përgjigje për Reporteri.net nga Policia e Kosovës, konfirmohet vdekja e një vajze në lagjen “Kalabria” në kryeqytet, por nuk tregon se për kë bëhet fjalë.
Por është regjisori Besim Ugzmajli që konfirmon se personi që është gjetur i vdekur është Arzana Kraja.
“Një lajm tepër i tmerrshëm, i pabesueshëm. Prehu në paqe Arzana!
Ngushëllime familjes Kraja dhe gjithë komunitetit”, ka shkruan ai në Facebook, shkruan Reporteri.net.
Edhe Qendra Kinematografike e Kosovës përmes një statusi në Facebook ka shprehur ngushëllime për vdekjen e hershme të regjisores.
“Jemi të shokuar nga lajmi për vdekjen e regjisores Arzana Kraja! Angazhimi i sajë në fushën e kinematografisë ishte i jashtëzakonshëm! Ngushëllime familjes, miqve dhe gjithë bashkëpunëtorëve!”, thuhet në statusin e QKK-së.
Kraja, ishte regjisore e filmit “Fusha e mëllenjave”, që shënoi edhe hapjen e edicionit të 11 të PriFest.
Problemet e një të burgosuri politik shqiptar, i cili e ka vështirë të jetojë me të kaluarën, ishin shfaqur në filmin debutues të regjisores Arzana Kraja. /Reporteri.net/.