Sot është vendosur pllaka përkujtimore, në vendin ku 22 vite më parë ka rënë heroikisht gjeneral Luan Haradinaj.

Lajmin e ka bërë të ditur Muahmet Bojku, i cili ka postuar disa voto dhe video në rrjete sociale, nga momentet e vendosjes së pllakës në vendin ku 22 vite më parë ra heroikisht gjeneral Luani, derisa ishte nisur që të hynte në Kosovë nga Shqipëria me një grup bashkëluftëtarësh.

“Sot 04.05.2019, pas 22 vitesh po ndihem shumë mirë qe arrita të vendos këtë pllakë ku ra Gjeneral Luan Haradinaj duke falënderuar mikun tim Naim Spahiun nga Rahoveci që e punoj pllakën gjithashtu për kornizën Avni Dobrunaj dhe deputetin e Republikës së Kosovës Bekë Berisha, Muharrem Gacaferi, Abdyl Mushkolen, Muhamet J.Spahiun, Shpejtim Blakaj, dhe vëllezërit Halilin e Aliun si dhe Ali Tahirsylaj për mbishkrimin ne pllakë Lavdi e përjetshme Heroit Luan Haradinaj.

Luan Haradinaj me vëllezër e shokë të idealit, përveç punës në furnizimin me armatim të luftëtarëve të ardhshëm të Ushtrisë Çlirimtare të Kosovës, ka marrë pjesë edhe në organizimin dhe kryerjen e një mori aksionesh luftarake kundër policisë serbe, sidomos nëpër pika strategjike dhe mbi stacione policore, si në Baballoq, në Isniq, në Deçan, në Junik, Hylaj e në vendqëndrime të tjera të forcave serbe.