Zyrtarët policorë të Kosovës janë penguar dje nga disa qytetarë në Zubin Potok, teksa po ndiqnin një kamion që kishte hyrë ilegalisht nga Serbia në Kosovë.

Rastin e ka konfirmuar Policia e Kosovës përmes raportit 24 orësh, ku bëhet e ditur se një person me veturën e tij ka goditur veturën e Policisë, shkruan Reporteri.net.

Për këtë incident nuk është raportuar për të lënduar e as të arrestuar teksa rasti vazhdon të hetohet.

“Zubin Potok (NN) 10.12.2020-17:26. Është raportuar se disa qytetar i kanë penguar zyrtarët policor derisa ishin në ndjekje të një kamioni i cili dyshohet kishte kaluar kufirin ilegalisht Serbi- Kosovë ndërsa  një person tjetër i dyshuar i panjohur me veturën e tij e ka goditur veturën zyrtar e të PK-së. Nuk raportohet për lëndime në njerëz dhe as të arrestuar. Rasti vazhdon të hetohet”, thuhet në raportin e policisë. /Reporteri.net