Njësitet elitare të Policisë së Kosovës në një aksion të ndërmarrë në tërë Kosovën, e i përqendruar kryesisht në veri të vendit, janë përballur me rezistencë, edhe të armatosur të serbëve lokal. Por, policët nuk janë zmbrapsur.

Policia e Kosovës edhe pse është përballur me rezistencë nga ana e serbëve në Zubin Potok, në aksionin e tyre për arrestimin e disa personave të përfshirë në kontrabandë dhe krim të organizuar, ka arritur që të kryejë aksionin me sukses.

Policia ka përdorur edhe shok-bomba e edhe është përgjigjur me të shtëna ndaj serbëve që kanë shtënë në drejtim të forcave të rendit.

Aksioni i cili ka filluar pak pas orës 6:00 të mëngjesit, pas disa orësh ka arritur që neutralizojë të gjitha pengesat dhe rreth orës 11:00 policët kosovarë me automjetet e tyre të blinduara kanë marrë nën kontroll të gjithë qytetin. /reporteri.net