Një person është aksidentuar nga një zyrtar policor, sot gjatë ditës në lagjen “Dardania” në Fushë Kosovë.

Rastin e ka konfirmuar edhe zëdhënësi i Policisë së Kosovës, Baki Kelani, i cili ka bërë të ditur se vozitësi i automjetit është një zyrtar policor, shkruan Reporteri.net.

Por, Gazeta Sinjali, raporton se polici që shkaktoi aksidentin është Bashkim Spahiu, drejtor i Krimeve Ekonomike në Policinë e Kosovës.

E Baki Kelani, ka njoftuar se personi i aksidentuar është dërguar me autoambulancë në Qendrën Klinike Universitare në Prishtinë dhe tashmë është jashtë rrezikut për jetë.

Kelani ka deklaruar së me rastin po merren njësia e Trafikut Rajonal të Prishtinës, të cilët edhe kanë bërë ekzaminimin e vendit të ngjarjes.

Gazeta Online “Reporteri.net”, ka siguruar fotografi nga vendi i ngjarjes, teksa shihen edhe ekipi mjekësor duke i dhënë ndihmën e parë.

/Reporteri.net