26 zyrtarë që po merreshin me numërimin e votave dyshohet të jenë helmuar para pak minutash në Qendrën e Numrimit dhe Rezultateve.
Siç raportuan mediat, ata patën skuqje në duar dhe fytyrë nga një kundërmim që doli nga zarfet e ardhura nga Serbia, shkruan Reporteri.net.
Ndërkohë, Policia e Kosovës e ka blinduar rrugën ku gjendet QNR-ja, dhe aty kanë ardhur edhe ambulancat të cilat po i bartin të helmuarit në QKUK.
Policia e ka konfirmuar rastin për Reporteri.net, mirëpo nuk kanë dhënë detaje, për të cilat ka sugjeruar të thirret Spitali dhe KQZ.
Nga KQZ nuk kanë dhënë detaje, e zyra për media e QKUK-së nuk i është lajmëruar gazetës. Reporteri ka provuar të kontaktojë me Shpend Fazliun, mirëpo ai nuk është përgjigjur
