Policia e Kosovës gjatë ditës së sotme ka dhënë detaje për zjarrin që shpërtheu gjatë ditës së djeshme në një banesë në kryeqytet.
Sipas policisë deri te zjarri erdhi si pasojë e tentimeve të një qytetari për t’u kyçur ilegalisht në rrjetin e energjisë elektrike, shkruan Reporteri.net.
Policia njofton se tentimi i konsumatorit të KEDS për të bërë kyçje ilegale shkaktoi avari në rrjetin elektrik.
“Raportohet se i dyshuari mashkull K-Shqiptar pasi që i është qkyqur rryma, kishte tentuar të bëjë kyçje ilegale dhe si pasojë është shkaktuar avari në rrjetin elektrik. Në vendin e ngjarjes kanë dal njësitë relevante zjarrfikësit dhe punëtorët e KEDS-it”, ka thënë Policia.
Me vendim të prokurorit, i dyshuari pas intervistimit është liruar në procedurë të rregullt. /Reporteri.net