Policia e Kosovës ka identifikuar në dy raste të ndara të armëmbajtjes pa leje gjatë patrullimit në aksin rrugor Radavc – Rugocë.

Në rastin e parë, njësia policore ka ndaluar një veturë të cilën e drejtonte një mashkull kosovar.

Gjatë kontrollit në veturë, është gjetur dhe sekuestruar një pistoletë me 12 fishekë, për të cilën i dyshuari nuk posedonte leje.

Në rastin e dytë, gjithashtu në të njëjtën orë dhe lokacion, është ndaluar një tjetër veturë e drejtuar nga një mashkull kosovar.

Në këtë rast, policia ka sekuestruar një pistoletë me 40 fishekë. Sipas informatave, i dyshuari posedonte leje vetëm për përdorim rekreativ të armës, por jo për bartje në publik.

Të dy rastet janë iniciuar dhe do të trajtohen në procedurë të rregullt hetimore.