Policia e Kosovës ka njoftuar se pesë persona janë arrestuar gjatë aksionit kundër fajdeve në lokacione të ndryshme në Pejë dhe Prishtinë.

Policia gjithashtu ka publikuar pamjet e aksionit që ka zhvilluar gjatë së enjtes.

“Lidhur me operacionin policor, i njëjti ka vazhduar dhe në Prishtinë ku janë arrestuar edhe dy të dyshuar, tashmë numri i të arrestuarëve është gjithësej pesë. Me aktvendim të prokurorit katër të dyshuar dërgohen në mbajtje, Po ashtu, hetuesit policorë kanë konfiskuar edhe dëshmi relevante për rastin”, thuhej në njoftim.