Presidenti kroat, Zoran Milanoviq ka thënë se dyshon në qëllimin e iniciativës për “Ballkanin e Hapur.

Ai në një konferencë për media pas takimit me presidenten Osmani tha se nëse kjo iniciativë nuk e mbulon Kosovën në mënyrë të barabartë, nuk duhet të merret parasysh.

“Marrë parasysh që Kroacia është shtet anëtar i Bashkimit Evropian, unë në mënyrë sipërfaqësore do ta komentoj, sepse nuk na prek neve në mënyrë direkte. Nëse iniciative i ka qëllimet e mira, atëherë duhet ta marrim ndoshta parasysh, me kusht që të merret parasysh që të gjitha shtetet të trajtohen njëjtë, ashtu siç tha Presidentja Osmani. Nëse është e kundërta, atëherë duhet pyetur se cilat janë motivet”, tha Milanoviq.

“Nëse kjo iniciativë nuk e mbulon Kosovën në mënyrë të barabartë, atëherë është, kushtimisht thënë se është iniciativë e pakuptimtë”, theksoi presidenti kroat.