Rritja e numrit të të vdekurve në dy ditët e fundit, për presidentin Hashim Thaçi, është dëshmi se rreziku nga pandemia është ende i lartë.

Duke kërkuar kujdes nga qytetarët, Thaçi ka thënë se duhet të përfillen me përpikëri rekomandimet e institucioneve.

Thaçi, ndër të tjera, ka shprehur ngushëllime edhe për familjet e të vdekurve nga Covid-19.

“Rritja e numrit të të vdekurve në ditët fundit është dëshmi se rreziku nga pandemia Covid-19 është ende i lartë. Të gjitha familjeve që humben të afërmit e tyre nga kjo pandemi iu shpreh ngushëllimet më të sinqerta. Qytetarët e Kosovës duhet të tregojnë kujdes të lartë dhe të respektojnë në mënyrë rigoroze rekomandimet e Institutit Kombëtar të Shëndetësisë dhe institucioneve të Kosovës, në mënyrë që sa më lehtë ta tejkalojmë këtë sfidë globale”, ka shkruar presidenti.

Ndryshe, Kosova është përballur këtë fundjavë me numrin më të madh të vdekjeve, ku vetëm për dy ditë kanë vdekur mbi 10 persona./Reporteri.net