Presidentja e Kosovës Vjosa Osmani ka dekretuar hapjen e një Misioni Special në Selinë e Shenjtë, Vatikan.

Osmani përmes rrjeti social Facebook, e ka quajtur këtë moment historik për marrëdhëniet mes Kosovës dhe Vatikanit.

“E nderuar të dekretoj zyrtarisht hapjen e Misionit Special të Kosovës në Selinë e Shenjtë, pas dy vitesh përpjekjesh intensive së bashku me lidershipin e Vatikanit. Ky është një moment historik i rëndësishëm për Kosovën dhe një kapitull i ri në marrëdhëniet Kosovë-Vatikan të cilat ne jemi të përkushtuar t’i thellojmë”- ka shkruar Osmani.

Presidentja e Kosovës, Vjosa Osmani, ishte pritur në audiencë private në Selinë e Shenjtë nga Papa Françesku, më 23 janar 2023.

Osmani i kishte kërkuar Papës njohjen e Kosovës nga Vatikani.