Një person është arrestuar të enjten rreth orës 19:00 në Prishtinë, pasi që dyshohet se kanosi dhe sulmoi fizikisht një person tjetër.

Rastin e ka konfirmuar Policia e Kosovës përmes raportit 24 orësh, ku bëhet e ditur se deri tek rrahja erdhi pas një mosmarrëveshje rreth parkimit të veturave, shkruan Reporteri.net.

“Është arrestuar i dyshuari mashkull kosovar i cili pas një mosmarrëveshje rreth parkimit të veturave e kishte sulmuar fizikisht dhe kanosë viktimën mashkull kosovar.”, thuhet në raport.

I dyshuari pas intervistimit me vendim të prokurorit është dërguar në mbajtje për 48 orë. /Reporteri.net