Procesi i rinumërimit të vendvotimeve po shkon drejt fundit. Sipas KQZ’së, vetëm gjatë ditës së djeshme janë rinumëruar 138 vendvotime.

Zëdhënësi i Komisionit Qendror të Zgjedhjeve, Valmir Elezi për Reporteri.net ka thënë se kanë mbetur për t’u rinumëruar vetëm edhe 167 vendvotime.

“Në ditën e dhjetë (e premte) në QNR janë rinumëruar edhe 138 vendvotime të tjera. Pra numri i përgjithshëm i vendvotimeve të rinumëruara deri më tani është: 1240 vendvotime apo 88.13%. Kanë mbetur për t’u rinumëruar edhe 167 vendvotime të tjera”, ka thënë Elezi.