Deputeti i PDK-së, Rashit Qalaj pak para seancës konstituive të Kuvendit të Kosovës, tha se nëse ky institucion nuk funksionalizohet, pasojat më të mëdha do t’i kenë qytetarët,

“Mendoj se nuk ka dhënë sqarime se cilat janë pasojat juridike, por mendoj se pasoja më e madhe është për qytetarët e Kosovës, përtej atyre juridike, për shkak se Kosova është duke u dëmtuar mjaft shumë, e dini, Kosova është në prag të humbjeve te fondeve që i merr nga BE-ja”, tha Qalaj.

Deputeti i PDK-së shtoi se Gjykata Kushtetuese duhet të qartësojë më mirë vendimin e saj të fundit lidhur me situatën politike.

“Mendoj që Kushtetuesja duhet të sqarojë më mirë vendimin që ka marrë para disa ditësh,” deklaroi ai.