×
  • Lajme
  • Lajme

    Qeveria e Kosovës ndalon hyrjet dhe daljet e banorëve të Malishevës

    Reporteri
    15 Mars 2020 | 8:34

    Qeveria e Kosovës, në një mbledhje të jashtëzakonshme të mbajtur sonte, ka marrë vendim për masa shtesë pas konfirmimit të rasteve pozitive me koronavirus – COVID-19 në vazhdimësi të vendimit të Qeverisë Nr.01/09, të datës 13 mars 2020.


    Siç njofton Zyra e kryeministrit, masat shtesë që janë ndërmarrë në këtë mbledhje të jashtëzakonshme të Qeverisë së Kosovës janë si në vijim:

    1.Ndalohen hyrje-daljet e qytetarëve në Komunën e Malishevës.

    2.Obligohet Ministria e Punëve të Brendshme dhe Administratës Publike, Ministria e Shëndetësisë dhe institucionet tjera relevante të kryejnë të gjitha procedurat për zbatimin e këtij vendimi.

    Ndërkohë, pasi një grua 37-vjeare u konfirmua se është infektuar me koronavirus dhe pasi që kryeministri, Albin Kurti, vendosi që Malisheva të hyjë në karantinë, Komuna e Malishevës po kërkon nga qytetarët e saj të mos bëjnë panik pasi që sipas tyre të gjitha masat e nevojshme po zbatohen.

    “Janë bashkërenduar të gjitha aktivitetet lidhur me rastin, ku janë duke identifikuar të gjithë personat që kanë pasur kontakte me pacientin, të cilët edhe janë duke u vetizoluar, si dhe në të gjitha hyrje-daljet e Komunës së Malishevës, bazuar në mesazhin e marrë nga kryeministri i vendit, janë duke u vendosur patrullat policore”.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!