Marrin pagë të rregullt nga shtetit.

Por zyrtarët politikë pos kësaj paguhen edhe për mëditje.

Këtu përfshihen pagesat që ata marrin kur realizojnë udhëtime zyrtare brenda e jashtë vendit.

Sipas një raporti të Institutit GAP, gjatë vitit 2019, sa ishte kryeministër Ramush Haradinaj u shpenzuan hic më pak se 3.8 milionë euro vetëm për mëditje.

Në raportin Financiar të Ministrisë së Financave, shihet se vetëm Zyra e Kryeministrit shpenzoi mbi 70 mijë euro për këtë kategori të shpenzimeve.

Pas kësaj, është Ministria e Mjedisit që ka shpenzuar mbi 37 mijë euro.

Sipas të dhënave të pranuara, del se Fatmir Matoshi, ish ministër në ministrinë e Mjedisit dhe Planifikimit Hapësinor prin sa i përket meditjeve të marra me 5,446 euro.

Ndërsa, Ekrem Mustafa, ish ministër në Ministrinë e Punëve të Brendshme, radhitet i dyti me 3,922 euro shpenzime.

Sa i përket shumës së mëditjeve të ish zëvendëskryeministrave del se Enver Hoxhaj kishte marrë 2,564 mijë euro mëditje kurse afer me shpenzime i qëndron edhe ish zëvendëskryeministri Fatmir Limaj me 2,019 euro.

Pas tyre, me shpenzime për mëditje nuk mbesin keq as ish zëvendës ministrat në Qeverinë Haradinaj.

Lirak Çelaj ish zv.minister i Integrimeve Evropiane, kishte marrë më së shumti mëditje, e shuma ishte mbi tre mijë euro.

Pastaj radhitet Abdyl Selami Shkodra, Zëvendësministër i Punëve të Brendshme me 263 euro më pak shpenzime.

Përfaqësues të Shoqërisë Civile thonë se këto shpenzime janë të panevojshme.

Por ajo shton se një gjë e tillë ka qenë e pritshme për shkakt të numrit të madh të kabineteve.

Kurse ekonomistë thonë se gjithë kto shpenzime po e dëmtojnë buxhetin e shtetit.

Dhe kjo praktikë po vazhdon që nga paslufta.

Ai shton se duhet një presion më i madh drejt tyre.

Kabineti i ish kryeministrit Ramush Haradinaj kishte 21 ministri, pesë zëvendëskryeministra dhe mbi 80 zëvendësministra.