Ministria e Mbrojtjes së Gjermanisë ka publikuar në profilin e saj zyrtar në Twitter një video të pritjes së ministres Kristina Lambrecht, e cila po bisedon me presidentin e Serbisë, Aleksandar Vuçiq, në Beograd.

“Arritja në Pallatin Presidencial. Ministri Lambrecht u takua me presidentin serb Aleksandar Vuçiq. Serbia është vendi më i madh në Ballkanin Perëndimor dhe është një partner i rëndësishëm për ne. E ardhmja e këtij vendi është në BE”, thuhet në postimin e kësaj ministrie i cili është shoqëruar me video nga pritja që iu bë nga Vuçiq.

Ministrja e Mbrojtjes së Gjermanisë Christine Lambrecht, pas Serbisë do të vijë në Kosovë.

Ajo do të takohet me kryeministrin Albin Kurti.

Pas takimit që mbahet sot në orën 16:00, do të ketë konferencë për media.

E para e mbrojtjes gjermane dje zhvilloi një vizitë edhe në Bosnjë e Hercegovinë, ku ka takuar ministrin e Mbrojtjes së këtij vendi, Sifer Poxhiq.

Ankunft im Präsidentenpalast! Ministerin Lambrecht trifft Serbiens Präsident @avucic. ?? ist das größte Land auf dem Westbalkan und für uns ein wichtiger Partner. Die Zukunft des Landes liegt in der ??. pic.twitter.com/37aPwXK2y3

— Verteidigungsministerium (@BMVg_Bundeswehr) May 5, 2022