Presidenti i Serbisë, Aleksandar Vuçiq, gjatë ditës së djeshme tha se do të donte të thoshte se situata në Ukrainë do të qetësohet, por se një gjë e tillë nuk ka gjasa të ndodhë për momentin, raporton N1.

“Për ne është e rëndësishme të analizojmë ngjarjet. Ka pasur shqetësime të tmerrshme që do të prekin edhe Serbinë. Joe Biden ka ndaluar importin e naftës. 3.4 për qind e naftës ruse është në tregun amerikan. Ne presim një vendim të BE-së nesër“, tha Vuçiq, transmeton Reporteri.net.

Vuçiq tha se dikush duhej të merrte një vendim në lidhje me dënimin e pushtimit rus të Ukrainës, pa dëmtuar qytetarët e Serbisë.

Ai paralajmëroi pasoja katastrofale për botën në muajt në vijim.

“Do të ketë një luftë të madhe në këto kushte. Unë pres të shoh përgjigjen e Putinit. Po pres të shoh se çfarë do të thotë Bashkimi Evropian. Nuk mendoj se do të ndalet gjithçka menjëherë, mendoj se do të ulet konsumi i energjisë nga eksportet ruse. Nëse Rusia bën atë që unë mendoj se do të bëjë, do të ketë në pritje nëpër makina, e cila po e çon të gjithë botën në një katastrofë të tmerrshme ekonomike dhe pyetja është se si do të dalë bota prej saj. Të mos flasim pastaj për mundësinë e përhapjes së konfliktit”, përfundoi Vuçiq. /Reporteri.net