Presidenti serb, Aleksandar Vuçiq ka folur për ndalimin e eksportit nga Serbia si pasojë e krizës në Ukrainë.

Vuçiq  theksoi se ditëve të fundit ka biseduar me kolegë dhe ministra nga rajoni, duke mos dashur të përmendë saktësisht se cilat vende, por tha se “asnjëherë nuk duhet shantazhuar askënd për ilaçe dhe ushqime dhe se duhet të kujdesemi për fqinjët tanë”.

“Do të ishte qesharake të largoheshim nga Mali i Zi apo Bosnja dhe Hercegovina. Miqtë tanë nga Shqipëria janë plotësisht të varur nga importi. Njerëzit nga Maqedonia e Veriut gjithashtu kanë nevojë për më shumë. Në Prishtinë morën miell nga Serbia me aq sa mundën ditët e fundit. Ata duhet të kenë gjithçka me ne. Ju kurrë nuk duhet të shantazhoni askënd për ilaçe dhe ushqime, duhet të kujdeseni për fqinjët tuaj”, citohet të ketë thënë Vuçiq.