I pari i kryeqytetit, Përparim Rama, njofton për takimin e zhvilluar me Komandantin e Policisë për Rajonin e Prishtinës, Kolonel Fahredin Verbovci, dhe komandantët e tri stacioneve policore të kryeqytetit.
Sipas Ramës takimi është zhvilluar me qëllim të thellimit të bashkëpunimit me Policinë e Kosovës.
“Do të përforcohen forumet ekzistuese dhe do të institucionalizohet bashkëpunimi i rregullt mes dy institucioneve, për sigurinë e qytetarëve të Prishtinës”, thuhet në njoftimin e Ramës
Gjithashtu, Rama përmes postimit thotë se bashkëpunimi me Policinë e Kosovës do të jetë prioritet.
“Unë zotohem se bashkëpunimi me Policinë e Kosovës do të jetë ndër prioritetet e zyrtarëve komunalë. Do të përforcohen forumet ekzistuese dhe do të institucionalizohet bashkëpunimi i rregullt mes dy institucioneve, për sigurinë e qytetarëve të Prishtinës”, ka shkruar i pari i Prishitnës.