Kreu i AAK-së, Ramush Haradinaj, e ka quajtur të drejtë vendimin e kryeministrit të Kosovës, Albin Kurti, për mos-pjesëmarrje me presidentin serb, Aleksandar Vuçiq, më 11 maj në Bruksel.
Haradinaj përmes një postimi në Facebook tha se takimet e formatit të tillë, duhet paraprakisht të dakordohen me institucionet e Kosovës.
“Praktika e dakordimit Bruksel – Beograd, duke nxjerrë Kosovën para aktit të kryer, nuk do të pranohet asnjëherë nga Kosova”, shkroi Haradinaj.
Postimi i plotë pa ndërhyrje:
Refuzimi i Kryeministrit Kurti të takimit të 11 majit është i drejtë.
Ai takim ishte caktuar nga Borell e Vuçiq pa konsultim me palën kosovare. Takimet e formatit të tillë, duhet paraprakisht të dakordohen me institucionet e Kosovës.
Praktika e dakordimit Bruksel – Beograd, duke nxjerrë Kosovën para aktit të kryer, nuk do të pranohet asnjëherë nga Kosova.