KQZ ka publikuar rezultatet e 98.08% të fletëvotimeve të vlefshme të numëruara.

Lëvizja Vetëvendosje edhe me tutje qëndron para Lidhjes Demokratike të Kosovës, me 5371‬ vota më shumë diferencë.

VV në total, deri më tani numëron 200467, përkthyer në përqindje 25,56%. LDK-ja ka 195096 vota, apo 24,87%, shkruan Reporteri.net.

E treta renditet PDK-ja me 21,13 përqind, apo gati 10% më shumë sesa koalicioni i AAK-së me PSD-në që ka 11,55 përqind të votave.

Koalicionit tjetër garues në zgjedhjet e 6 tetorit, atij NISMA-AKR tashmë i janë shuar shpresat për të kaluar pragun zgjedhorë, dhe përqindja e tyre në këtë zgjedhje ka rënë në 4,89%.

Këto të dhëna janë pas numërimit të 784 mijë e 438 fletëvotimeve të vlefshme nga ana e KQZ-së. /Reporteri.net/.