Në zgjedhjet e 9 shkurtit, pjesë e garës për deputetë kanë qenë edhe babai i Granit Xhakës dhe ai i Edon Zhegrovës, dy nga futbollistët më të njohur nga Kosova në botë. Ragip Xhaka ka qenë pjesë e listës së PDK’së, e Lulzim Zhegrova në listën e LDK’së. Por, sa vota kanë marrë?

Gazeta Online Reporteri.net ka përcjellë dje numërimin e votave në sallën “1 Tetori” në Prishtinë, ku janë procesuar votat nga katër vendvotime.

Në vendvotimin në shkollën “Avni Rrustemi” në Mramor të Prishtinës, Xhaka e Zhegrova kanë marrë nga një votë.

Në një vendvotim tek qendra e votimit në Fakultetin Filologjik, Xhaka ka marrë katër vota, e Zhegrova asnjë.

Xhaka prin me vota edhe në vendvotimin (1928/07) në qendrën e votimit në Shkollën “Pavarësia” në Prishtinë.

Tek ky vendvotim, Xhaka ka marrë 13 vota, e Zhegrova dy.

Ndërkohë, në një vendvotim tek Shkolla Fillore e Mesme e Ulët “Mehmet Gjevori”, Zhegrova ka marrë dy vota, e Xhaka pesë./Reporteri.net

Kandidatët me zero vota në katër vendvotime në Prishtinë, disa deputetë të legjislaturës së fundit