Në Qendrën e Numërimit dhe Rezultateve ka përfunduar  numërimi i 9,313 votave me kusht dhe votave të personave me nevoja të veçanta, të cilat u takojnë raundit të dytë të Zgjedhjeve për Kryetarë të 21 Komunave, që u mbajt më 14 nëntor.

Në komunën e Prishtinës nga këto dy kategori më së shumti vota ka marrë kandidati i Lëvizjes Vetëvendosje, Arben Vitia. Vitia ka marrë 1 mijë e 163 vota ose 91 më shumë se kundërkandidati. Kurse, Përparim Rama fituesi i balotazhit ka marrë nga këto kategori 1 mijë e 72 vota.

Kujtojmë që në balotazh Përparim Rama ka marrë 40 mijë e 659 vota kurse Arben Vitia ka marrë 38 mijë e 958 vota. /Reporteri.net/