Ministrja e Ekonomisë, Artane Rizvanolli, ka njoftuar se 220 xehtarë i janë bashkuar sot Korporatës Energjetike të Kosovës, shkruan Reporteri.net.

Sipas Rizvanollit, këta punëtorë i janë bashkuar kësaj ndërmarrje për të garantuar qëndrueshmërinë e prodhimit.

“745 punëtorë të rinj janë punësuar në KEK brenda dy viteve të fundit, shumica dërrmuese në minierë, duke përfshirë 220 xehtarët që iu bashkuan sot ndërmarrjes për të garantuar qëndrueshmërinë e prodhimit. Urime të gjithëve e ju priftë e mbara”, ka shkruar Rizvanolli.