Qeveria e Kosovës me anë të një njoftimi ka bërë të ditur se sot do të mbahen mësimi i rregullt në shkollat e Kosovës. Mirëpo, me këtë vendim të ekzekutivit nuk po pajtohen në SBASHK’u. Ndërkohë nuk dihet saktë nëse ka filluar të mbahet procesi mësimor.

Kryetari i Sindikatës së Arsimit, Rrahaman Jasharaj ka thënë se janë duke mbledhur informacione nga tereni por ai ka thënë se pret që të respektohet vendimi i tyre, sepse siç thotë nuk është marrë kokë në vete

“Ne kemi filluar të komunikojmë me kryetarët që i kemi nivelet komunale, tash po presim raportet nga ta. Besoj që shumica absolute e punëtorve të arsimit do të respektojnë deklaratën e SBASHK’ut lidhur me ditën e sotme sepse kjo është bazuar në kalendarin e MASH’it, besoj që kështu do të veprohet. Mund të ketë aty-këtu shkolla që mund të punojnë”

“Për momentin e para jemi duke i mbledhur, se mësimi nuk është duke u mbajtur, por po presim t’i konfirmojmë këtë informata. Besoj që vendimi i SBASHK’ut do të respektohet sepse atë deklaratë nuk e kemi dhënë kokë në vete por e kemi dhënë duke u bazuar në telefonata të shumta dhe kërkesa.”, ka thënë Jasharaj për Periskopin.

Tutje ai ka thënë se pret nga mësimdhënësit që të jeni unik si në kohëra e kaluara.

“Ashtu siç ishim unik në të kaluar do të jemi edhe tani”, u shpreh.

Ndërsa, edhe nga Ministria e Arsimit kanë bërë të ditur se qëndrimi i tyre është i njëjtë me atë të kryeministrit Hoti, edhe pse nuk është përkrahur nga SBASHK-u.