Ish-komandanti i UÇK-së, Sabit Geci është raportuar se është pagëzuar në Famullinë e Shën Mëhillit në Doblibarë.

Përveç fesë, Sabiti, sipas raportimeve e ka ndërruar emrin dhe se tani e tutje do të quhet Kastriot.

“Kastriot, unë po të pagëzoj në emër të Atit, të Birit e të Shpirtit Shenjt! Amen”, thuhet në njoftimin e Famullisë së Shën Mihillit të publikuar në faqen e tyre në Facebook.

Mirëpo, ish-komandanti i Ushtrisë Çlirimtare të Kosovës, Sabit Geci ka mohuar se e ka ndërruar emrin dhe fenë.

“Këto janë hajgare”, tha ai, derisa shtoi: “Unë absolutisht nuk kam nevojë me e ndërru fenë sepse nuk jam fetar fare”, tha Geci.

Për 28 Nëntor, Geci tha se e ka vizituar kishën në Llapushnik të Drenasit dhe një xhami në Podujevë, imamin e së cilës tha se e ka mik. /Reporteri.net/

Sabit Geci mohon se ka ndërruar fenë dhe emrin: “S’e ndërroj me ma dhanë botën, e kam emrin që ma ka lanë baba e nana”