Vazhdimi i seancës konstituive është caktuar për në ora 14:00.
Seanca u ndërpre pasi që deputetët e PDK-së e kanë lëshuar sallën e Kuvendit. Kjo pasi që Vetëvendosja nuk e ka përkrahur kandidaten e tyre për nënkryetare, Vlora Çitaku, duke abstenuar në votim.
Kryetari i PDK-së, Bedi Hamza tha se nuk do të marrin pjesë më në asnjë seancë, teksa paralajmëroi se rastin do ta dërgojnë në Kushtetuese./Reporteri.net/
Edhe seanca e sotme për konstituimin e Kuvendit, u ndërpre pasi që deputetët e PDK-së e kanë lëshuar sallën e Kuvendit. Kjo pasi që Vetëvendosja nuk e ka përkrahur kandidaten e tyre për nënkryetare, Vlora Çitaku, duke abstenuar në votim.
Të gjithë deputetët e PDK-së, u panë duke dalë menjëherë nga salla, por jo edhe Mërgim Lushtaku. Ai qëndroi në sallë, derisa në një moment u pa edhe shefi i grupit parlamentar, Arian Tahiri duke e “lutur” të dalë nga salla.
Për këtë çështje u pyet edhe kryetari i partisë, Bedri Hamza, i cili para mediave tha se nuk i di arsyet se Lsuhtaku qëndroi në sallë.
Hamza po ashtu tha se nuk do të marrin pjesë më në asnjë seancë, teksa paralajmëroi se rastin do ta dërgojnë në Kushtetuese./Reporteri.net/
Deputetja e LDK-së, Hykmete Bajrami, ka thënë se është urgjencë kombëtare të shpëtohet Kosova. Bajrami ka thënë se duhet të jetësohet nisma e IKD-së për ta bërë vepër penale shkeljen e Kushtetutës.
Bajrami ka thënë se kushdo që e shkel Kushtetutën “njëjtë si armiqtë e këtij shteti” të përfundojë në burg.
“Është urgjencë kombëtare të shpëtohet ky shtet. Puna e parë në Kuvend do të jetë jetësimi i nismës së IKD-së për kriminalizimin e shkeljes së Kushtetutës, në mënyrë që ata që e shkelin Kushtetutën, njësoj si armiqtë e këtij shteti, të përfundojnë në burg, të japin llogari dhe të mbajnë përgjegjësi për veprimet e tyre. Sepse ky vend nuk është ndërtuar që një mashtrues, i cili erdhi në pushtet me premtimin e bashkimit kombëtar, ta rrënojë shtetin për të cilin njerëzit kanë dhënë jetën, kanë dhënë gjymtyrët dhe mbajnë ende plagët në trup!”, ka shkruar Bajrami.
Deputetja e LDK’së, Jehona Lushaku-Sadriu, ka thënë se për shkak të Lëvizjes Vetëvendosje u pamundësua votimi i nënkryetarëve në pako.
“Vetëvendosje e pamundësoi votimin në pako. Ishte vendim i deputetëve të VV’së”, ka thënë ajo.
Lushaku tutje ka thënë se e drejta për propozim të emrave për nënkryetar është e drejtë ekskluzive e partive parlamentare.
Ajo ka treguar se si LDK kanë marrë vendim për të përkrahur propozimet e grupeve të tjera parlamentare.
Kryetari i PDK-së, Bedri Hamza, tha se do ta dërgojnë në Gjykatë Kushtetuese rastin e moskonstituimit të Kuvendit.
“Do ta dërgojmë rastin në Gjykatës Kushtetuese, brenda afateve ligjore”.
Hamza këtë deklaratë e bëri në një konferencë për media pasi partia e tij lëshoi sallën meqë Lëvizja Vetëvendosje nuk i dha vota Vlora Çitakut për nënkryetare të Kuvendit.
Zgjedhja e Çitakut dështoi të zgjidhej nënkryetare pasi nuk mori votat e nevojshme për shkak që Vetëvendosje votoi kundër. Pro saj votoi PDK dhe LDK.
Ndërkaq, nënkryetari i propozuar nga Vetëvendosje, Ardian Gola, mori votat pro edhe të PDK-së edhe të LDK-së.
Seanca konstituive e Kuvendit të Kosovës është shtyrë sërish.
Kjo pasi deputetët e PDK-së e kanë lëshuar sallën pasi Vetëvendosje nuk ia votoi Vlora Çitakun për nënkryetare të Kuvendit.
Kryeparlamentarja Haxhiu i bëri thirrje PDK-së që të propozojë një emër tjetër, çka nuk ndodhi dhe seanca u ndërpre. /Reporteri.net/
Ka nisur votimi i nënkryetarëve në Kuvendin e Kosovës. Ky votim po bëhet veç e veç.
Ardian Gola, i propozuar i VV-së mori votat e nevojshme, por jo edhe Vlora Çitaku nga PDK.
Deputetët e PDK-së e kanë lëshuar sallën pasi Vetëvendosje nuk ia votoi Vlora Çitakun për nënkryetare të Kuvendit.
Vlora Çitaku mori 44 vota për, 56 abstenime dhe një kundër. /Reporteri.net/
Në Kuvendin e Kosovës po vazhdon seanca konstituive me pikën e mbetur të rendit të ditës atë të zgjedhjes së pesë nënkryetarëve, mes paqartësive nëse do të përmbyllet konstituimi i organit ligjvënës.
Kryetarja e Kuvendit, Albulena Haxhiu tha se meqë nuk ka dakordim për votim në pako të nënkryetarëve, atëherë votimi do të bëhet veç e veç.
VV-ja tha se është e gatshme të vazhdojë me votimin veç e veç meqë nuk ka dakordim për votimin në pako. Këtë e tha shefja e grupit parlamentar të VV-së, Arbërie Nagavci.
Por kjo mënyrë e votimit u kundërshtua nga PDK, shkruan gazeta online Reporteri.net.
Deputeti Përparim Gurda tha se ky është mekanizëm i VV-së për ta bllokuar konsituimin.
“Nëse na garantoni se do ta themeloni Kuvendin sot, ne pranojmë çdo formë votimi. Nëse mekanizmi i ndërrimit të votimit për me e blloku Kuvendin, ne nuk e pranojmë. Ne nuk e pranojmë ndryshimin”. tha ai. /Reporteri.net/
Në Kuvendin e Kosovës po vazhdon seanca konstituive me pikën e mbetur të rendit të ditës atë të zgjedhjes së pesë nënkryetarëve, mes paqartësive nëse do të përmbyllet konstituimi i organit ligjvënës.
Kryetarja e Kuvendit, Albulena Haxhiu tha se meqë nuk ka dakordim për votim në pako të nënkryetarëve, atëherë votimi do të bëhet veç e veç, shkruan gazeta online Reporteri.net.
VV-ja tha se është e gatshme të vazhdojë me votimin veç e veç meqë nuk ka dakordim për votimin në pako. Këtë e tha shefja e grupit parlamentar të VV-së, Arbërie Nagavci./Reporteri.net/
Në Kuvendin e Kosovës po vazhdon seanca konstituive me pikën e mbetur të rendit të ditës atë të zgjedhjes së pesë nënkryetarëve, mes paqartësive nëse do të përmbyllet konstituimi i organit ligjvënës.
Seanca nisi me një minutë heshtje, në nderim të viktimave të sulmeve të 11 Shtatorit 2001 në Shtetet e Bashkuara të Amerikës.
Më pas, kryetarja Albulena Haxhiu, ftoi për një konsultim të shkurtër shefat e grupeve parlamentare.
Pak para nisjes së seancës konstituive të Kuvendit, deputetja e PDK-së, Ganimete Musliu, ka reaguar ndaj kryeministrit në detyrë, Albin Kurti.
Musliu ka thënë se PDK nuk do të lejojë që t’i diktohet se kë duhet ta propozojë për nënkryetare të Kuvendit.
“Albin Kurti s’ka (…) të na diktojë se kë propozon PDK-ja për nënkryetare të Kuvendit. PDK-ja nuk do të shndërrohet kurrë në patericë politike, as për Albinin, as për askënd”, shkroi Musliu.
Deklarata vjen pak para vazhdimit të seancës, ku në rend dite është zgjedhja e nënkryetarëve të Kuvendit, e Vlora Çitaku është e propozuara e kësaj partie.
Deputeti i Lidhjes Demokratike të Kosovës, Arben Gashi ka akuzuar Lëvizjen Vetëvendosje se qëllimisht po bllokon konstituimin e Kuvendit, duke mos votuar kandidatët e PDK dhe LDK për nënkryetar.
Ai, duke hyrë në objektin e Kuvendit për seancën konstituive tha se është e drejt ekskluzive e këtyre dy partive të propozojnë emrat e tyre për pozitën numër dy në parlament.
“Tash po e kuptoni se kush është duke e bllokuar Kuvendin. Lëvizja Vetëvendosje. Është e drejt ekskluzive e partive politike me propozu nënkryetarët e Kuvendit dhe s’ka diskrecion asnjë parti tjetër me bërë diçka tjetër”, tha ai.
Deputeti i LDK-së, Armend Zemaj para fillimit të vazhdimit të seancës konstituive të Kuvendit të Kosovës tha se LVV ka shkelur të gjitha afatet kushtetuese.
Zemaj tha se në kushte normale tashmë Kuvendi i Kosovës do duhej të ishte konstituuar.
“Në kushte normale është dashtë të bëhej konstituimi i Kuvendit, ajo çka është e ditur dhe çka kemi theksuar që kemi pasur rezervat tona për sjelljen e LVV-së, duke marrë parasysh se janë shkelur afatet kushtetuese dhe pritshmëritë kanë qenë të stërgjatet për lojërat e tyre politike të brendshme ose për ndonjë arsye tjetër që vetëm ata mund ta dinë, por që është në dëm të Republikës së Kosovës dhe interesave të saj”, tha fillimisht ai.
Tutje, Zemaj tha se LDK nuk është parti që funksionon me kushtëzime dhe nuk e bllokon konstituimin e Kuvendit.
“Ne nuk funksionojmë me kushtëzime, por nuk jemi ata që bllokojmë konstituimin e Kuvendit, mund t’i tejkalojmë edhe ato që mendojmë që i kemi subjektive, por atë që e kemi thënë që logjika e LVV-së për t’i nënshtruar të tjerët te LDK-ja nuk kalon”, shtoi ai.
Deputeti i Lëvizjes Vetëvendosje, Artan Abrashi, ka thënë sot se pret vullnet dhe gatishmëri nga Partia Demokratike e Kosovës dhe Lidhja Demokratike e Kosovës për të ndryshuar propozimet e tyrë për nënkryetar të Kuvendit.
PDK ka propozuar Vlora Çitakun, ndërkaq LDK, Kujtim Shalën për pozitën numër dy në parlament.
LVV-ja në seancën e para dy ditësh doli me qëndrimin se nuk ka votë për këta dy kandidatë, meqë sipas kësaj partie, të njëjtit janë deklarua kundër një marrëveshje për çështjen e presidentit.
Abrashi duke hyrë në objektin e Kuvendit për vazhdimin e seancës konstituive, të premten, tha se pret që edhe propozimi i Listës Serbe për nënkryetar të Kuvendit të jetë në frymën kushtetuese.
Zgjedhja e nënkryetarëve, ky është qëndrimi i fundit i LVV-së
“Ndoshta kanë gjetë pak vullnet për me bërë zgjidhje kësaj krize. Të shohim…Ne e kemi dhënë qëndrimin sa i përket deklaratës së Smiqit dhe besoj nuk e përsërit të njëjtën. Ta shohim”, tha ai.
Kuvendi i Kosovës do të vazhdojë sot punimet e seancës konstituive të Legjislaturës së 11-të, me synimin për të përmbyllur procesin e konstituimit të institucionit më të lartë ligjvënës.
Deputetët do të mblidhen nga ora 11:00, ndërsa pika e vetme e rendit të ditës është zgjedhja e nënkryetarëve të Kuvendit.
Për pesë pozitat e nënkryetarëve tashmë janë bërë propozimet nga subjektet politike dhe komunitetet joshumicë.
Lëvizja Vetëvendosje ka propozuar Ardian Golën, Partia Demokratike e Kosovës Vlora Çitakun, ndërsa Lidhja Demokratike e Kosovës Kujtim Shalën.
Nga radhët e komunitetit serb, Lista Serbe ka propozuar Slavko Simiqin, ndërsa për komunitetet e tjera joshumicë është propozuar Emilia Rexhepi.
Në vazhdimin e seancës të mbajtur të mërkurën, Albulena Haxhiu u zgjodh kryetare e Kuvendit të Kosovës. Ajo mori 62 vota për, 16 kundër dhe 13 abstenime, nga 102 deputetë të pranishëm.
Pas zgjedhjes së Haxhiut, Kuvendi kaloi te pika për zgjedhjen e nënkryetarëve, por subjektet politike nuk arritën marrëveshje për mënyrën e votimit të tyre.
Seanca u tensionua edhe gjatë propozimit të kandidatit të Listës Serbe. Deputeti Igor Simiq deklaroi se propozimin për Slavko Simiqin po e bënte “në emër të popullit serb”.
Kryetarja e Kuvendit, Albulena Haxhiu, e cilësoi këtë formulim të papranueshëm dhe kërkoi që Simiq ta tërhiqte deklaratën dhe ta paraqiste propozimin duke iu referuar Kushtetutës dhe Rregullores së Kuvendit.
Simiq nuk e tërhoqi deklaratën, ndërsa Haxhiu kërkoi ndërprerjen e fjalës së tij.
Në mungesë të dakordimit për mënyrën e votimit të nënkryetarëve, Haxhiu ndërpreu punimet dhe njoftoi se seanca konstituive do të vazhdonte sot.
Zgjedhja e nënkryetarëve është hapi i mbetur për përfundimin e seancës konstituive të Legjislaturës së 11-të të Kuvendit të Kosovës.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
