Sekretari i OVL-UÇK’së shanë policët e Kosovës që kërkonin mbajtje të distancës gjatë bastisjes së EULEX

Sekretari i OVL-së, Faton Klinaku, ka fyer rëndë pjesëtarët e Policisë së Kosovës, të cilët po monitorojnë bastisjen e EULEX’it brenda zyrës së organizatës së veteranëve.


Klinaku i revoltuar nga kërkesa e Policëve kosovarë për të ruajtur distancën mes njerëve, per shkak te gjendjes me pandemi, i ka sharë ata me nënë.

“Për çfarë distance je duke fol këtu. Ec shko lypja tjetër kujt distancën. Të q***** distancën e nanës!”, iu është përgjigjur i mllefosur, Klinaku policëve të Kosovës, teksa ata kërkonin nga gazetarët dhe anëtarët e OVL-së së UÇK-së që ndodhen jashtë zyrave të organizatës që të mbanin distancën sociale.

E gjitha ka ndodhur jashtë objektit ku ndodhen zyrat e OVL-UCK’së të cilat po bastisen nga EULEX’i me urdhër të Gjykatës Speciale.

Nga ky aksion, deri më tash është arrestuar kryearti i kësaj organizate Hysni Gucati, i cili pritet të dërgohet në Hagë, shkruan Reporteri.net.

Aksioni i Gjykatës Speciale në OVL-UÇK, arrestohet kryetari Hysni Gucati – pritet të dërgohet në Hagë