Para stacionit policor në pjesën veriore të Mitrovicës  ka nisur një protestë, për shkak të arrestimit të politikanit serb, Aleksandar Arsenijeviq.

Arsenijeviq u arrestua të mërkurën (dje) pasi fishkëlleu me bilbil kundër vizitës së zyrtarëve kosovarë në shëtitoren e Mitrovicës. Është hera e pestë që arrestohet në më pak se dy muaj, raporton “Kossev”.

Zakonisht, lideri i Demokracisë Serbe u lirua pas intervistimit. Kësaj radhe është ndaluar për 48 orë.

Për këtë arsye, dhjetëra qytetarë janë mbledhur për të kërkuar lirimin e tij.

Në protestë është edhe kryetari i Listës Serbe, Zlatan Elek.