Operacioni i Policisë së Kosovës, në Veri, ka nxitur reagime në Beograd, e kjo siç duket ka reflektuar edhe te disa qytetarë në Mitrovicë të Veriut.

Pasi Policia arrestoi sot 19 zyrtarë policorë për keqpërdorim të detyrës, kontrabandë e ryshfet, një banor serb i Veriut me flamur të Serbisë i është afruar urës së Ibrit që ndan Mitrovicën në dy pjesë.

Sipas dëshmitarëve në vendin e ngjarjes, banori serb që po vraponte rreth urës u pengua nga Policia e Kosovës.

Në videon që ka marrë Gazeta Express, rreth urës shihen edhe forcat e KFOR’it italian.