Policia e Kosovës përmes një njoftimi ka deklaruar se është arrestuar personi i cili shiste bileta të falsifikuara në tregun e zi.
Tutje Policia njofton se nga personi i dyshuar janë gjetur 6 bileta të cilat dyshohet se kanë qenë të falsifikuara, shkruan Reporteri.net
Se kanë blerë bileta të falsifikuara janë ankuar disa persona në drejtim të policisë.
Njoftimi i plotë i Policisë së Kosovës:
“Është arrestuar i dyshuari mashkull K/Shqiptar, pasi që i njëjti kishte qenë duke shitur bileta futbolli në tregun e zi. Nga i dyshuari janë konfiskuar 6 (gjashtë) bileta të dyshuara për falsifikim. Në stacion policor janë paraqitur katër ankues shqiptarë, të cilët kanë deklaruar se nga i dyshuari kishin blerë bileta në shuma të ndryshme dhe më pas kishin kuptuar se biletat ishin të falsifikuara. Me vendim të prokurorit kujdestar i dyshuari është dërguar në mbajtje”, thuhet në njoftimin e Policisë së Kosovës.
