Dy persona humbën jetën dhe një fëmijë mbeti i plagosur rëndë në një aksident rrugor të regjistruar mbrëmjen e sotme në aksin Korçë-Kapshticë.

Mësohet se viktimat dhe i plagosuri kanë qenë këmbësorë kur janë përplasur nga një automjet, i cili më pas është larguar nga vendngjarja.

Trupat e dy viktimave ndodhen akoma në rrugë, ndërsa fëmija i plagosur është transportuar në spital për mjekim dhe ndodhet në Reanimacion, raporton oranews.

Nuk dihen ende rrethanat e aksidentit.

Policia ka shkuar në vendin e ngjarjes dhe po punon për zbardhjen e rrethanave të aksidentit.