Një aksident tragjik në punë i ka marrë jetën një 23-vjeçari shqiptarë në Itali. Mediat italiane shkruajnë se fatkeqësisht i riu nuk ka mundur t’i mbijetojë plagëve të marra, pavarësisht ndihmës së menjëhershme që ju dha.

Ditën e djeshme Sajmir Thartori u shpall i vdekur, pas një aksidenti tragjik në punë, ku ra nga një lartësi prej 8 metrash.

Mediat italiane shkruajnë se Sajmiri, një punëtor me origjinë shqiptare, jetonte në Zevio.

Ai u dërgua në spital në gjendje të rëndë por pas disa orësh ndërroi jetë.

Mësohet se aksidenti në punë ndodhi në Sant’Apollinare, pak para orës 10 të së enjtes. I riu ishte duke punuar në rindërtimin e një ndërtese, por gjithçka përfundoi tragjikisht.

Mediat italiane raportojnë se autoritetet kanë nisur punën për zbardhjen e plotë të shkaqeve të aksidentit.