Tre helikopterë “Black Hawk” do t’i jepen Shqipërisë nga SHBA-ja. Lajmin e bëri të ditur kryeministri Edi Rama, i cili theksoi se qeveria shqiptare ka finalizuar marrëveshjen me SHBA-të për helikopterët.

“Është finalizuar marrëveshja dypalëshe për marrjen e helikopterëve ‘Black Hawk’, ka një sërë elementësh me rëndësi. I falenderoj FA-të për angazhimin”, tha kryeministri.

Duhet theksuar se kjo nuk është ndihma e parë që SHBA i ka dhënë Shqipërisë. Ajo ishte e përfshirë direkt në rritjen e kapaciteteve në kohën kur Shqipëria u fut në NATO.

Ndërkohë, SHBA u tregua zemërgjerë edhe me Kosovën, të cilës i dhuroi mjaft shumë mjete ushtarake në kohën kur ajo krijoi ushtrinë, transmeton Reporteri.net.