Është hapur sot papritur aplikimi për ata qytetarë që nuk kanë mundur të aplikojnë deri tani për dëmet nga tërmeti në nivelet DS1, DS2 dhe DS3.

Bashkia e Durrësit ka hapur për 24 orë afatin për të gjithë qytetarët, të cilëve u janë dëmtuar banesat dhe kjo ka bërë që ata të dynden për të bërë aplikimin, duke krijuar grumbullime të mëdha.

Teksa numrat e të infektuarve nga SARS-CoV-2 rriten çdo ditë, grumbullime të tilla shndërrohen në vatra të përhapjes së shpejtë të infeksionit, ndërsa afati i shkurtër, vetëm 1 ditor, i aplikimit krijon probleme për shumë qytetarë që nuk mund të paraqiten sot, apo nuk mund të qëndrojnë në radhë.