Policia ka arrestuar një 34 vjeçar në Tiranë nën akuzën se shiste lëndë narkotike si heroinë dhe metadoni në afërsi të shkollave.

Gjatë një kontrolli në banesën e 34 vjeçarit, specialistët e Seksionit për Hetimin e Narkotikëve sekuestruan 23 doza me lëndë narkotike kanabis, 19 tableta metadon, një sasi me lëndë narkotike të dyshuar heroinë, një sasi lekësh dhe 1 aparat celular, në cilësinë e provës materiale, thuhet në njoftimin e policisë

Në vijim të veprimeve u procedua penalisht edhe shtetasi E. T., 45 vjeç, pasi i është gjetur një sasi lënde e dyshuar narkotike kanabis, të cilën ia ka blerë shtetasit Xh. H.

Materialet procedurale i kaluan Prokurorisë pranë Gjykatës së Shkallës së Parë Tiranë.