Kryebashkiaku i Tiranës, Erion Veliaj është arrestuar me kërkesë të Prokurorisë së Posaçme.

Kryebashkiaku Veliaj ndodhej në ambientet Bashkisë Tiranë dhe u shoqërua nga agjentët e BKH-së.

Në fund të muajit dhjetor 2024, kryebashkiaku i Tiranës ishte intervistuar përreth pesë orë në SPAK. Veliaj atë periudhë kishte thënë se hetimi i SPAK-ut ndaj tij kishte ardhur nga një denoncim i bërë nga një person i quajtur Nesti Angoni, por që siç kishte thënë kryebashkiaku i Tiranës, ai është i sajuar dhe nuk ekziston në regjistrat e gjendjes civile.

Veliaj gjithë këtë e kishte quajtur një kurth me letra anonime.

Më 6 dhjetor 2024 SPAK kishte sekuestrouar telefonin e bashkëshortes së tij, Ajola Xoxa. Me vendim të GJKKO kontrolle ishin kryer dhe në studion ‘Harabel’ tek ish-Blloku ku ishin sekuestruar dhe dokumente që kanë të bëjnë me hetimet e nisura nga prokurori Ols Dado, në lidhje me pasurinë e Erion Veliajt dhe familjarëve të tij.